本人有以下不幸經歷, 希望大家作個參考不要成第二個受害者

本人之前收了個簡短的電話問卷調查,
大約只有3-4條有關旅遊的簡單間題,
作答後數天, 收了個電話是因答謝本人之前的問卷調查,
所以送回4人免費上船2日一晚的"金公主"船票 (包3餐)給本人,
而該電話是說明自己係代表問卷調查公司, 船票是代客戶送的,
本人只需上問卷調查公司, 作一個簡單問卷,
便可得到船票.但必須一人出席.

直至本人上到該自稱問卷調查公司後,
該公司要求本人作90分鐘的問卷 (包括展覽演講)
本人答應後,
被安排進入房間前要求本人熄手提電話,以免影響演講,

晚上7.00開始,  先會安排一位詢問員與本人閒聊,
令你的界心放下, 之後安排放一段短的影片,
及介紹一個新的旅遊形式,

形式大約係, 先加入佢的會籍後,
你便可以每年到泰國五星酒店入往5天(酒店係HOUSE可6人入住).
如想更改國家只需額外多付 $500-$700港元.
同樣係5天5星級可住6人, 而且佢地會有一本書,
書中有大量不同國家的五星級酒店,
詢問員會不停拿一些本港的雜誌,
展出旅遊景點及有介紹的酒店,
讓你覺得加入該會籍係超值的及可靠,
不過佢地不會同你講會籍幾錢,
只係有停疲勞轟炸你叫你入會,
最後當你表示想知入會費用時.......嚇死你,
要20多萬港元.....

你見後一定想走人....佢地會同你講什麼分期,
又返問你先前覺得會籍好, 點解現在唔JOIN啦.
我同佢講我無錢, 佢不停同你講可以分期,
佢又介紹另一個平些的會籍(大約6萬港元), 不停的疲勞轟炸,
而且會搵所謂的經理轟炸你,
不讓你走.......
最後90分鐘..變了4小時.
我不耐煩表明我一定要走,
佢先讓你走人.我11時先可離去.
佢地超級有禮貌(如不是你又如何俾錢????)
而且聽回朋友說那些酒店永遠都係FULL BOOKING.
你無可能去到的.

不過在場內還有10多20人我走時佢地仍然留下,
我唸佢地的錢凶多吉少.

而且我有朋友在電話拒絕到展覽時, 接線生無禮地收線.

總總看來...係騙局一個
各朋友所以敬請小心受騙.

本人幸好只損失時間. 但不想其他人受騙.
不要像我貪便宜, 而被人不停的疲勞轟炸,
一不小心, 可能會金錢重創...